Sar Woh Hai Jo Katte

Sar woh hai jo kate Islam ki khidmat ke liye Aabroo woh hai jo gumay deen ki azmat ke liye

Jo ki hai dil se jigar-parah-e-Zahra pe nisaar Khuld hai us ke liye aur woh jannat ke liye

Naao hain Aal-e-Nabi najm hain as-haab-e-Rasool Lillahi-l-hamd ke muzdah hai yeh ummat ke liye

Har dani cheez hua karti hai aala pe nisaar Jism hai jaan ke liye jaan hai Itrat ke liye

Kyun jhuke saamne adna ke woh zaat-e-aali Jis ka har naqsh-e-qadam qibla ho ummat ke liye

Never Be Without Your Favorite Lyrics - Get the App for Offline Access!

Nau-nihaal-e-chaman-e-Mustafavi Murtazavi Jise qudrat ne chuna zeenat-e-jannat ke liye

Jo ki aaghosh-e-Payambar mein phala phoola tha Karbala mein woh kata deen ki hifazat ke liye

Hashmi baagh hua Hashmi khoon se sairaab Baagh-e-Zahra kata is baagh ki nazhat ke liye

Istaqamat pe fida hain teri ae dast-e-Hussain Na gaya haath mein be-deen ke bai'at ke liye

Is dogana pe fida saari namazein jis mein Dhaar halqoom pe sar kham ho ibaadat ke liye

Khul gaya is se agar haq pe na hote as-haab Dast-e-Hasnain na barhta kabhi bai'at ke liye

Salik as-haab to noorani hain aur Aal hai noor Noor ko noori hi laahiq tha mai'yat ke liye