Sar Jhukaye Hath Uthaye

Sar jhuka hai haath uthaye hain dua ke waste Ya Khuda! Hajj ka sharaf de Mustafa ke waste

Find Your Favorite Lyrics Anytime, Anywhere - Install the App Today!

Makkah aa kar jhoom kar Allah! Kaabe ka tawaf Main karoon farma karam kul ambiya ke waste

Istilam-e-Sang-e-Aswad ki sa'adat de mujhe Hazrat-e-Moula Ali Mushkil Kusha ke waste

Main lipat kar Multazam se khoob ro ro kar dua Tujh se maangoon Ya Khuda Khwaja Piya ke waste

Ru-ba-Qibla main khade ho kar piyoon Zam Zam ke jaam Yeh sharaf bhi kar ata kul awliya ke waste

Phir Mina, Arafat-o-Muzdalifah ke jalwe dekh loon Ya Ilahi! Ho karam Ghous-ul-Wara ke waste

Hajj-e-Mabroor ae Khuda! saal-e-rawan kar de naseeb Ya Ilahi! Ahle Bait-e-Mustafa ke waste

Ab Madine ki ziyarat ki ijazat ho ata Chaar yaran-e-Muhammad Mustafa ke waste

Sabz Gumbad dekh kar aankhein hon thandi dil ho khush Shaad hon rooh-o-jigar Moula! Ziya ke waste

Katib-e-taqdeer! Likh de maut Taibah mein meri De Baqi-e-Pak Bibi Fatimah ke waste

Gumbad-e-Khazra ke saaye mein shahadat de mujhe Ae mere Moula! Shaheed-e-Karbala ke waste

Waqt-e-aakhir jalwa-e-Mehboob ki khairat de Kalma padhte padhte nikle dam Raza ke waste

Ya Ilahi! Maghfirat Attar ki kar be-hisab Behr-e-Kaaba, sabz Gumbad ki ziya ke waste