Sar Ho Chokhat Pe

Sar ho chaukhat pe kham, Tajdar-e-Haram Yeh nikal jaaye dam, Tajdar-e-Haram

Yeh raha mera sar, seena qalb-o-jigar Rakh do Aaqa qadam, Tajdar-e-Haram

Haaziri ka sabab, ho aye Maah-e-Arab Aayein Taiba mein hum, Tajdar-e-Haram

Har baras hajj karoon, gird-e-Kaaba phiroon Ya Shah-e-Mohtaram, Tajdar-e-Haram

De do khasta jigar, kar do shoreeda sar Apna Jaan-e-Karam, Tajdar-e-Haram

Jo ke behti rahe, dard kehti rahe De do woh chashm-e-nam, Tajdar-e-Haram

Aaiye khwab mein, qalb-e-betab mein Sarwar-e-Mohtaram, Tajdar-e-Haram

Karke atwaar theek, istiqamat ki bheek De do Shah-e-Haram, Tajdar-e-Haram

Sab khatayein muaaf, aur naama ho saaf Paoon Bagh-e-Iram, Tajdar-e-Haram

Parh le tehreer jo, uski islaah ho De do aisa qalam, Tajdar-e-Haram

Aamina ke pisar, khair se hon basar Zeest ke pech-o-kham, Tajdar-e-Haram

Mere Maah-e-Mubeen jo hain andoh-geen Un ke hon door gham, Tajdar-e-Haram

Haasidon ke hasad, ki nahi koi had Ab to kar do karam, Tajdar-e-Haram

Ya Nabi taab ke, haaye kuffaar ke Hum sahein ge sitam, Tajdar-e-Haram

Az tufail-e-Raza, khatm hon sarwara Dushmanon ke sitam, Tajdar-e-Haram

Aye mere tajwar, door hon saare shar Ho nigah-e-karam, Tajdar-e-Haram

Find Your Favorite Lyrics Anytime, Anywhere - Install the App Today!

Hoon bara roosiya, hai gunah par gunah Ho nigah-e-karam, Tajdar-e-Haram

Kholo rehmat ke pat, jaaye zulmat palat Ho nigah-e-karam, Tajdar-e-Haram

Tere Attar ka, hai yeh armaan Shaha Nikle Taiba mein dam, Tajdar-e-Haram