Sar Hai Kham Hath Mera Utha Hai

Sar-e-kham haath mera utha hai Ya-Khuda tujhse meri dua hai

Fazl ki reham ki iltija hai Ya-Khuda tujhse meri dua hai

Qalb mein yaad lab par sana hai Mere har dard ki yeh dawa hai

Kaun dukhiyon ka tere siwa hai Ya-Khuda tujhse meri dua hai

Qalb sakhti mein had se barha hai Bandah talib tere khauf ka hai

Iltija-e-gham-e-Mustafa ﷺ hai Ya-Khuda tujhse meri dua hai

Hubb-e-duniya mein dil phans gaya hai Nafs-e-badkar hawi hua hai

Haaye shaitan bhi peeche para hai Ya-Khuda tujhse meri dua hai

Aah! bandah dukhon mein ghira hai Is ko tera hi bas aasra hai

Iltija-e-karam ya-Khuda hai Ya-Khuda tujhse meri dua hai

Tera inaam hai ya-Ilahi Kaisa ikram hai ya-Ilahi

Haath mein daman-e-Mustafa ﷺ hai Ya-Khuda tujhse meri dua hai

Ishq de soz de chashm-e-nam de Mujh ko meethe Madine ka gham de

Wasta Gumbad-e-Sabz ka hai Ya-Khuda tujhse meri dua hai

Har gunah se bacha mujh ko Maula Nek khisalat bana mujh ko Maula

Tujh ko Ramzan ka wasta hai Ya-Khuda tujhse meri dua hai

Fazl kar reham kar tu ata kar Aur muaf aye Khuda har khata kar

Wasta Panjetan-e-Pak ka hai Ya-Khuda tujhse meri dua hai

Afw-o-rehmat ka bakhshish ka sail Hoon nihayat gunahgar-o-ghafil

Mera sab haal tujh par khula hai Ya-Khuda tujhse meri dua hai

Hoon bazahir bada nek surat Kar bhi de mujh ko ab nek seerat

Zahir achha hai batin bura hai Ya-Khuda tujhse meri dua hai

Be-sabab aye Khuda karde bakhshish Hashr mein mujh se karna na pursish

Naam Ghaffar Maula tera hai Ya-Khuda tujhse meri dua hai

Mujh khatakar par bhi ata kar Be-sabab bakhsh de Rabb-e-Akbar

Mujh ko dozakh se dar lag raha hai Ya-Khuda tujhse meri dua hai

Naz'a mein Rabb-e-Ghaffar tujh se Maut se qabl bimar tujh se

Talib-e-jalwa-e-Mustafa ﷺ hai Ya-Khuda tujhse meri dua hai

Qabr mein mujh ko tanha lita kar Chaldiye haaye saare baradar

Dil andhere mein ghabra raha hai Ya-Khuda tujhse meri dua hai

Maghfirat ka hoon tujh se sawali Pheirna apne dar se na khaali

Mujh gunahgar ki iltija hai Ya-Khuda tujhse meri dua hai

Mere Murshid jo Ghous-ul-Wara hain Shah Ahmed Raza rehnuma hain

Yeh tera lutf teri ata hai Ya-Khuda tujhse meri dua hai

Nar-e-dozakh se mujh ko aman de Maghfirat karke bagh-e-jinan de

Kar de rehmat meri iltija hai Ya-Khuda tujhse meri dua hai

Wasta tujh ko pyare Nabi ka Aur ashab-o-aal-e-Nabi ka

No More Screenshots! Save Storage with Our Lyrics App!

Bakhsh de mujh ko yeh iltija hai Ya-Khuda tujhse meri dua hai

Ya-Khuda mah-e-Ramzan ke sadqe Sachchi tauba ki taufiq de de

Nek ban jaun ji chahta hai Ya-Khuda tujhse meri dua hai

Dard-e-isyan mita ya-Ilahi De de kamil shifa ya-Ilahi

Tujh se bimar ki iltija hai Ya-Khuda tujhse meri dua hai

Jo hain bimar sehat ke talib Un pe farma karam Rabb-e-Ghalib

Tujh se reham-o-karam ki dua hai Ya-Khuda tujhse meri dua hai

Main ne mana ke sab se bura hoon Kis ka hoon? Tera hoon main tera hoon

Naaz rehmat pe mujh ko bada hai Ya-Khuda tujhse meri dua hai

Aib duniya mein tu ne chupaye Hashr mein bhi na ab aanch aaye

Aah! namah mera khul raha hai Ya-Khuda tujhse meri dua hai

Umr badiyon mein saari guzari Haaye! phir bhi nahi sharmsari

Bakhsh Mehboob ka wasta hai Ya-Khuda tujhse meri dua hai

Wird-e-lab Kalima-e-Tayyibah ho Aur imaan par khatimah ho

Aa gaya haaye! waqt-e-qaza hai Ya-Khuda tujhse meri dua hai

Ya-Khuda aise asbab paun Kash Makkah Madine mein jaun

Mujh ko arman Hajj ka bada hai Ya-Khuda tujhse meri dua hai

Aah! ranj-o-alam ne hai mara Ya-Ilahi mujhe de sahara

Ek ghamgeen dil ki sada hai Ya-Khuda tujhse meri dua hai

Meri jaan aafton se chudana Muzi amraz se bhi bachana

Tujh ko Siddiq ka wasta hai Ya-Khuda tujhse meri dua hai

Tu ata hilm ki bheek kar de Mere akhlaq bhi theek kar de

Tujh ko Farooq ka wasta hai Ya-Khuda tujhse meri dua hai

Go yeh bandah nikamma hai bekar Is se le fazl se Rabb-e-Ghaffar

Kaam woh jis mein teri raza hai Ya-Khuda tujhse meri dua hai

Tere pyare ki dukhiyari ummat Par hai sailab ki aayi aafat

Reham kar bas tera aasra hai Ya-Khuda tujhse meri dua hai

Har taraf se balaon ne ghera Aafton ne lagaya hai dera

Tu hi ab mera hajat-rawa hai Ya-Khuda tujhse meri dua hai

Us ki jholi muradon se bhar de Us ke haq mein jo behtar ho kar de

Jis ne mujh se dua ka kaha hai Ya-Khuda tujhse meri dua hai

Ishq-e-Ahmed mein aansu bahaun Hubb-e-duniya se khud ko bachaun

Aisi taufiq de iltija hai Ya-Khuda tujhse meri dua hai

Meri dushman se farma hifazat Deen-o-imaan bhi rakhna salamat

Dast-bastah meri iltija hai Ya-Khuda tujhse meri dua hai

Meharban tu hi, tu hi madadgar Us dukhi dil ka tu hami-e-kar

Jis ko duniya ne thukra diya hai Ya-Khuda tujhse meri dua hai

Sakht-goi ki mit jaye khisalat Narm-goi ki pad jaye aadat

Wasta khulq-e-Mahboob ka hai Ya-Khuda tujhse meri dua hai

Sunnaton ki karoon khoob khidmat Har kisi ko doon neki ki dawat

Nek main bhi banoon iltija hai Ya-Khuda tujhse meri dua hai

Qafilon mein safar ki ho kasrat Hum se yun deen ki le le khidmat

Aajizana Ilahi dua hai Ya-Khuda tujhse meri dua hai

Meri bak-bak ki aadat mita de Aur aankhein haya se jhuka de

Sadqa Usman ka jo ba-haya hai Ya-Khuda tujhse meri dua hai

Ya-Ilahi kar aisi inayat De de imaan par istiqamat

Tujh se Attar ki iltija hai Ya-Khuda tujhse meri dua hai