Sar Bulandi Ki Riwayat

Sar-bulandi ki riwayat sar-katane se chali Nabd-e-imaan teri nabzein doob jaane se chali

Ghar se tujh ko Karbala ki simt jaata dekh kar Abr utha sehra se bijli aashiyaane se chali

Khoon se tu ne banaya raasta sachai ka Aadamiyat haq ki raahon par chalane se chali

Nazr-e-Deen jaan hi nahin sab lakht-e-jaan bhi kar diye Reet yeh tujh se chali tere gharane se chali

Aane wala lamha teri bai'at kar chuka Baat teri az sar-e-nau har zamane se chali

Main Muhammad ka ghulam Aal-e-Muhammad ka ghulam Apni har tasveer is aaina khaane se chali

Instant Access to Thousands of Lyrics - Tap to Install!

Tu ne ma'ani hi badal daale shikast-o-fatah ke Rasm-e-hasti apni hasti ko mitane se chali

Zindagi Momin ki hoti hai Muzaffar imtehaan Kashti-e-Islam girdabon mein aane se chali