Sar Bulandi Ki Riwayat

سر بلندی کی روایت سرکٹا نے سے چلی نبض ایماں تیری نبضیں ڈوب جانے سے چلی

گھر سے تجھ کو کر بلا کی سمت جاتا دیکھ کر ابر اُٹھا صحرا سے بجلی آشیانے سے چلی

خون سے تو نے بنایا راستہ سچائی کا آدمیت حق کی راہوں پر چلانے سے چلی

More Lyrics, Less Storage - Install the App and Ditch the Screenshots!

نذرِ دیں جاں ہی نہیں سب لخت جاں بھی کردیے رِیت یہ تجھ سے چلی تیرے گھرانے سے چلی

آنے والا لمحہ تیری بیعت کر چکا بات تیری از سرِ نو ہر زمانے سے چلی

میں محمد کا غلام آلِ محمد کا غلام اپنی ہر تصویر اِس آئینہ خانے سے چلی

تو نے معنی ہی بدل ڈالے شکست و فتح کے رسم ہستی اپنی ہستی کو مٹانے سے چلی

زندگی مومن کی ہوتی ہے مظفر ؔامتحاں کشتی اسلام گردابوں میں آنے سے چلی