Saly Ala Saly Ala

Salli 'ala Salli 'ala Takhleeq, Deewan-e-Sahar Kirdar, Me'raj-e-Nazar Paigham, Hayya 'alas-salah Salli 'ala Salli 'ala

Qurbat, hisar-e-do jahan akhlaq, saiban sa Lehja, chatakti si kali chup, rahal par Quran sa Jalwon ki koi had nahi Parchhayin, ehram-e-zameen Aur chaap, dastar-e-khala Salli 'ala Salli 'ala

Khazin, tahi damaniyan, waris, yateemi aap ki Tanhaiyon ke tor par goya kaleemi aap ﷺ ki Iqrar patthar ne kiya Batha ki mitti ka diya Sari khudai mein jala Salli 'ala Salli 'ala

Download Lyrics & Access Offline - Install Our App Now!

Sookhi zaban, abr-e-sakha faqa kashi, sultan gar Rahmat, qaba wahdat, asa yaad-e-Khuda, zad-e-safar Aflak se ooncha alam Nazron se bhi aage qadam Manzil se aage qafila Salli 'ala Salli 'ala

Gesu zara jo khul gaye tareek mausam dhul gaye Jis ko ziyarat ho gayi us aankh mein ras ghul gaye Jugnu se mutthi mein liye Khursheed, kamli mein liye Hamrah roz-o-shab chala Salli 'ala Salli 'ala

Kam hai Muzaffar jis qadr bheje durood us zaat par Hum 'asiyon ki qismatein likkhi hain jis ke hath par Har dam dua yeh jis ne ki Ya Rabbi hab li Ummati Aisa Nabi kis ka bhala Salli 'ala Salli 'ala