Salab Adam Mein Jo

Sulb-e-Aadam mein jo paiwand lagaye jaate Aap ﷺ ke naqsh-e-adam in mein bhi paaye jaate

Hazrat Aadam ؑ ke bhi hamrah zameen par utre Mashriqon maghribon ki shah-nasheen par utre

Lahm the Aap ﷺ lahu the na khabar the us waqt Haq Ta'ala ke faqat pesh-e-nazar the us waqt

Saam bin Nuh ؑ the jab Nuh ki kashti pe sawaar Mere Sarkar ﷺ bhi the Saam ki pasli pe sawaar

Jab Ibrahim ؑ pe Namrud ki yalghar hui Aag bhi Aap ke sadqe hi mein gulzaar hui

Doodh peene ko bhi aaghosh-e-Halima mein rahe Nayi duniya ki tarah ahd-e-qadeem mein rahe

Stop Wasting Storage - Download Lyrics in Lightweight Text Format!

Behtareen sab se, hasb aur nasab Aap ﷺ ka hai Inteha-e-sharaf-o-fakhr, laqab Aap ﷺ ka hai

Sulb jis jis ka Muhammad ﷺ ki rahaish thehra Roz-e-awwal se woh shaista-e-bakhshish thehra

Rehmat-e-Haq ke gulistan-e-haseen mein honge Walidain Aap ﷺ ke Firdous-e-bareen mein honge