Sahara De Diya Bar Waqt Un Ki Ghamgusaari Ne

Sahara de diya bar-waqt un ki ghamgusari ne Mujhe to maar dala tha meri isiyan-shi'ari ne

Zaroorat hai mujhe Sarkar phir taskeen-o-rahat ki Banaya qaryah-e-jaan mein thikana be-qarari ne

Kabhi mumkin nahi tha nakhwat-o-zulm-o-tashaddud se Kiya jo kaam Sultan-e-Haram ki inkisari ne

Mujhe ae'zaz de woh kaash apni mezbani ka Sharaf bakhsha Abu Ayyub ko jis ki sawari ne

Sahaba hon Rasool Allah ke ya Awliya Allah Nawazay hain unhein yeh martabey khidmat-guzari ne

Khuda ke noor ki kirnein isi ke sahan mein chamkein Agarcha raasta roka bohat Abu Jahal nari ne

Asar hai saaray aalam mein hawaye shahr-e-Tayyaba ka Chaman ko rang bakhshay hain isi baad-e-bahari ne

Stop Wasting Storage - Download Lyrics in Lightweight Text Format!

Hujoom-e-ranj ho Shehzad ya majma' musa'ib ka Mujhe tanha nahi chora kabhi Mehboob-e-Bari ne