Sahara De Diya Bar Waqt Un Ki Ghamgusaari Ne

سہارا دے دیا بروقت اُن کی غمگساری نے مجھے تو مار ڈالا تھا مری عصیاں شعاری نے

ضرورت ہے مجھے سرکار پھر تسکین و راحت کی بنایا قریہ جاں میں ٹھکانہ بے قراری نے

کبھی ممکن نہیں تھا نخوت و ظلم و تشدد سے کیا جو کام سلطانِ حرم کی انکساری نے

Get Lyrics On-The-Go! Download Our App Now!

مجھے اعزاز دے وہ کاش اپنی میزبانی کا شرف بخشا ابو ایوب کو جس کی سواری نے

صحابہ ہوں رسول اللہ کے یا اولیاء اللہ نوازے ہیں انہیں یہ مرتبے خدمت گزاری نے

خدا کے نور کی کرنیں اسی کے صحن میں چمکیں اگرچہ راستہ روکا بہت بوجہل ناری نے

اثر ہے سارے عالم میں ہوائے شہرِ طیبہ کا چمن کو رنگ بخشے ہیں اسی بادِ بہاری نے

ہجومِ رنج ہو شہزاد یا مجمع مصائب کا مجھے تنہا نہیں چھوڑا کبھی محبوبِ باری نے