Sachi Baat Sikhate Yeh Hain

Sachi baat sikhate yeh hain Seedhi raah chalate yeh hain Jalti jaan bujhate yeh hain Roti aankh hansate yeh hain

Rab hai mo'ti yeh hain Qasim Rizq uska hai khilate yeh hain Uski bakhshish inka sadqa Deta woh hai dilate yeh hain

Inna A'tainakal Kauthar Saari kasrat paate yeh hain Thanda thanda meetha meetha Peete hum hain pilate yeh hain

Naz'a-e-rooh mein aasaani de Kalma yaad dilate yeh hain Marqad mein bandon ko thapak ke Meethi neend sulate yeh hain

Stop Wasting Storage - Download Lyrics in Lightweight Text Format!

Baap jahan bete se bhaage Lutf wahan farmate yeh hain Maan jab iklote ko chhore Aa aa keh ke bulate yeh hain

Salim Salim ki dhaaras se Pul se paar chalate yeh hain Apni bani hum aap bigaarein Kaun banaye banate yeh hain

Raafi' Naafi' Shaafi' Daafi' Kya kya rehmat laate yeh hain Keh do Raza se khush ho khush ho Mujhda Raza ka sunate yeh hain