Sachi Baat Sikhate Yeh Hain

سچی بات سکھاتے یہ ہیں سیدھی راہ چلاتے یہ ہیں جلتی جان بچھاتے یہ ہیں روتی آنکھ ہنساتے یہ ہیں

More Lyrics, Less Storage - Install the App and Ditch the Screenshots!

رب ہے معطی یہ ہیں قاسم رزق اس کاہے کھلاتےیہ ہیں اس کی بخشش ان کا صدقہ دیتا وہ ہے دلاتے یہ ہیں

انا اعطینک الکوثر ساری کثرت پاتے یہ ہیں ٹھنڈا ٹھنڈا میٹھا میٹھا پیتے ہم ہیں پلاتے یہ ہیں

نزع روح میں آسمانی دے کلمہ یاد دلاتے یہ ہیں مرقد میں بندوں کو تھپک کے میٹھی نیند سلاتے یہ ہیں

باپ جہاں بیٹے سے بھاگے لطف وہاں فرماتے یہ ہیں ماں جب اکلوتے کو چھوڑے آ آ کہہ کے بلاتے یہ ہیں

سلم سلم کی ڈھارس سے پل سے پار چلاتے یہ ہیں اپنی بنی ہم آپ بگاڑیں کون بناۓ بناتے یہ ہیں

رافع نافع شافع دافع کیا کیا رحمت لاتے یہ ہیں کہہ دو رضا سے خوش ہو خوش ہو مژدہ رضا کا سناتے یہ ہیں