Sabz Gumbad Ki Ziarat Kijiye

Sabz gumbad ki ziyarat kijiye Zaairo! saaman-e-raahat kijiye

Gumbad-e-Khazra ke jalwe dekh kar Khoob roshan apni qismat kijiye

Aagaya meetha Madinah aagaya jhoom kar Khoob unki midhat kijiye

Masjid-e-Nabvi mein har dam bhaiyo! Dil laga kar ab ibaadat kijiye

Zaairo! ro ro kar unke saamne Pesh apni apni haajat kijiye

Qalb-e-muztar chashm-e-tar soz-e-jigar Ya Nabi! mujh ko inayat kijiye

Az-paye Ahmad Raza mujh ko ata Sunniyat par istiqamat kijiye

Az-paye Ghous-ul-Wara Ya Mustafa Mere imaan ki hifazat kijiye

Az-tufail-e-murshidi dil se mere Door duniya ki mohabbat kijiye

Fatimah Zahra ka sadqa mujh se door Nafs-o-shaitan ki shararat kijiye

Door gham duniya ke farma dijiye Gham Madine ka inayat kijiye

Apne akhlaq-e-karimah se mujhe Ek zarra hi inayat kijiye

Dard-e-isyaan ki dawa kije ata Aasiyon par chashm-e-rehmat kijiye

Aadat-e-isyaan nahi jaati huzoor Aap hi kuch Jaan-e-Rehmat kijiye

Mujh ko taufeeq-e-ibaadat ho ata Mujh ko paaband-e-shariat kijiye

Sunnaton ki har taraf aaye bahaar Door fashion ki nahoosat kijiye

Ya Nabi! mujh ko! Baqi-e-Paak mein Bahr-e-madfan ja inayat kijiye

Hoon nihayat hi zaeef-o-naatuaan Meri dushman se hifazat kijiye

Ho ata soz-e-Bilal Aaqa mujhe Aur apna gham inayat kijiye

Ghupp andhere mein hoon tanha almadad Qabr roshan noor-e-izzat kijiye

Aib mehshar mein na khul jayen kahin Sayah-e-daaman-e-rehmat kijiye

Garmi-e-mehshar se jaan hai muztarib Jaam-e-Kausar ab inayat kijiye

Mujrimon ki saff mein hoon Aaqa khara Ya Nabi! aakar shafa'at kijiye

Karbala walon ke sadqe mujh se door Ya Nabi! ranj-o-museebat kijiye

Mukhtasar si zindagi hai bhaiyo! Nekiyan kije na ghaflat kijiye

Gar Riza-e-Mustafa darkaar hai Sunnaton ki khoob khidmat kijiye

Sunnatain apna ke hasil bhaiyo! Rehmat-e-Maula se jannat kijiye

Eid-e-Meelad-un-Nabi par bhaiyo! Khoob izhaar-e-musarrat kijiye

Hijr ke maaron pe bhi chashm-e-karam! Izn, Taiba ka inayat kijiye

Mere chehre par kafan dhak dijiye Saathiyo ruswa mujhe mat kijiye

Ab niqaab-e-rukh ulat dije huzoor Jaan-e-lab par chashm-e-rehmat kijiye

Stop Wasting Storage - Download Lyrics in Lightweight Text Format!

Haazir-e-darbaar phir badkaar hai Chashm-e-rehmat Jaan-e-Rehmat kijiye

Barhte jaate hain gunah Attar aah! Kuch to izhaar-e-nadamat kijiye

Sabz gumbad par fida hojaiye Kijiye Attar himmat kijiye