Saba Ye Kaisi Chali Aaj

Saba yeh kaisi chali aaj dasht-e-Batha se Umang-e-shauq ki uthti hai qalb-e-murda se

Na baat mujh se gul-e-khuld ki kar aye zahid Ke mera dil hai nigaar-e-khaar-e-Taibah se

Yeh baat mujh se mere dil ki keh gaya zahid Bahaar-e-khuld-e-bareen hai bahaar-e-Taibah se

No Internet? No Problem! Get the App for Offline Lyrics!

Yeh kis ke dam se mili jahaan ko taabani Mah-o-nujoom hain roshan manaar-e-Taibah se

Fadaiyon ko yeh zid kya ke parda uth jaaye Hazaar jalwe numayaan hijaab-e-Aaqa se

Jo hain mareez-e-mohabbat yahaan chale aayen Sada yeh aati hai sun lo mazaar-e-Maula se

Kinara ho gaya paida isi jagah foran Kabhi jo hum ne pukara miyaan-e-darya se

Na Faiz is mohabbat mein tu ne kuch paaya Kinara kyun nahi karta tu ahl-e-duniya se

Pas-e-mumaat na badnaam ho tera Akhtarؔ Ilahi is ko bacha lena ta'an-e-a'ada se