Sab Zamanon Se Afzal Zamana

Sab zamaanon se afzal zamana tera Tu mukammal mukammal zamana tera

Kis qadar zang-aalood thi zindagi Kar gaya kitna saiqal zamana tera

Dekhta kya koi teri parchhaiyan Le ke chalte thay baadal zamana tera

Lamhe lamhe ki mutthi mein jugnu tere Har zamane ki mash'al zamana tera

Why Screenshot When You Can Download? Get the App for Efficient Storage!

Tez ghore pe baithe hue waqt se Kitna aage hai paidal zamana tera

Aadmi ko khatakne laga aadmi Ho gaya jab se ojhal zamana tera

Harf-e-awwal bhi tu harf-e-aakhir bhi tu Dekhta hoon musalsal zamana tera

Regzaron mein aabad makhlooq ko Karne aaya tha jal-thal zamana tera

Har andhere ka zevar teri roshni Phool tera sukhan phal zamana tera

Ek Muzaffar hi kya sab ko maloom hai Mushkilein zindagi, hal zamana tera