Sab Zamanon Se Afzal Zamana

سب زمانوں سے افضل زمانہ ترا تو مکمل مکمّل زمانہ ترا

کس قدر زنگ آلود تھی زندگی کر گیا کتنا صیقل زمانہ ترا

دیکھتا کیا کوئی تیری پرچھائیاں لے کے چلتے تھے بادل زمانہ ترا

لمحے لمحے کی مٹھی میں جگنو ترے ہر زمانے کی مشعل زمانہ ترا

تیز گھوڑے پہ بیٹھے ہوئے وقت سے کتنا آگے ہے پیدل زمانہ ترا

آدمی کو کھٹکنے لگا آدمی ہو گیا جب سے اوجھل زمانہ ترا

Free Up Space - Get Lyrics Without Bulky Screenshots!

حرف اوّل بھی تو حرفِ آخر بھی تو دیکھتا ہوں مسلسل زمانہ ترا

ریگزاروں میں آباد مخلوق کو کرنے آیا تھا جل تھل زمانہ ترا

ہر اندھیرے کا زیور تری روشنی پھول تیرا سخن پھل زمانہ ترا

اک مظفر ہی کیا سب کو معلوم ہے مشکلیں زندگی ، حل زمانہ ترا