Sab Pukaro Jhoom Kar

Sab pukaro jhoom kar meetha Madinah marhaba Kar ke kham sab apna sar meetha Madinah marhaba

Dooba rehta hai Madinah roshni mein har ghari Shaam ho ya ho sahar meetha Madinah marhaba

Noor barsate manare sabz gumbad ki bahar Dil ho roshan dekh kar meetha Madinah marhaba

Jaante ho sabz gumbad kyun haseen hai is qadar Is mein hai Aaqa ka ghar meetha Madinah marhaba

Find Your Favorite Lyrics Anytime, Anywhere - Install the App Today!

Phool mehke, dhool chamke, khoobsurat har babool Pur-kashish har ik hajar meetha Madinah marhaba

Pau phati tadka hua aur cheh-chahayein bulbulein Hai samaan rangeen tar meetha Madinah marhaba

Jabke chalti hai saba Aaqa ka roza choom kar Jhoom uthte hain shajar meetha Madinah marhaba

Barq chamki, lehar ubhri, abr barsa aur gaya Gumbad-e-Khizra nikhar meetha Madinah marhaba

Azmatein hain rif'atein hain ne'matein hain barkatein Rehmatein hain har dagar meetha Madinah marhaba

Phool to phir phool hain kaante bhi iske husn mein Khoob se hain khoob tar meetha Madinah marhaba

Sang-rezon ki chamak ke saamne sab hech hain Duniyavi la'l-o-gohar meetha Madinah marhaba

Hain fazayein khush-gawar is ki hawayein mushk-baar Hai mu'attar kis qadar meetha Madinah marhaba

Is liye to hum ko pyara hai Madinah rehte hain Is mein Shah-e-Bahr-o-Bar meetha Madinah marhaba

Khuld ki rangeiniyan shadabiyan tasleem hain Yeh sab apni ja magar meetha Madinah marhaba

Noor ki barse phuwar is mein rahe hardam bahar Khoobsurat hai nagar meetha Madinah marhaba

Husn-e-Paris ka fidai bhi yahan par jhoom uthe Sabz gumbad dekh kar meetha Madinah marhaba

Bakriyan to bakriyan, chidiyan bhi is ki mohtaram Aur kabootar bakhtawar meetha Madinah marhaba

Hijr-e-Taibah mein jo rote hain Khudaya ho naseeb Un ko Taibah ka safar meetha Madinah marhaba

Ya RasoolAllah kehte hi talengi mushkilein Gham-zado aao idhar meetha Madinah marhaba

Raat roshan din munawwar sab samaan par noor hai Dekh lo ahl-e-nazar meetha Madinah marhaba

Jhoom kar taare karein deedar-e-Taibah roz aur Hon fida shams-o-qamar meetha Madinah marhaba

Jo Madine aa gaya Attar aa kar mar gaya Woh bada hai bakhtawar meetha Madinah marhaba