Saadat Ab Madine Ki

Sa'adat ab Madine ki ata ho Karam chashm-e-karam Ya Mustafa ho

Madine ki baharein dekhne ki Ijazat marhamat ab to shaha ho

Woh lamhat-e-musarrat aayein phir se Mere pesh-e-nazar gumbad-e-hara ho

Sada dil ishq mein tarpa kare aur Yeh taar ashkon ka aankhon se bandha ho

Sunahri jaliyon ke rubaru kaash Mira jalwon mein un ke khatima ho

Mere Aqa! baraye peer-o-murshid Baqi-e-pak mein madfan ata ho

Jab Aqa qabr mein jalwa-numa hon To lab par marhaba Ya Mustafa ho

Mohabbat maal ki chut-ti nahin hai Karam! duniya se mera dil bura ho

Your Lyrics, Even Offline - Install the App for Free!

Main aisa ashiq-e-sadiq banun kaash Hansi lab par rahe dil ro raha ho

Gunahon ke sabhi amraz hon door Ata mere tabib aisi dawa ho

Kaleje se lagate hain use bhi Jise har ek ne thukra diya ho

Padosi khuld mein apna bana lo Karam Aqa paye Ahmad Raza ho

Jagah jannat mein qadmon mein woh dena Jahan par murshidi Ahmad Raza ho

Meri qismat ki jitni gutthiyan hain Sulajh sakti hain Aqa tum jo chaho

Adu us ka bigare ga bhala kya Muhammad Mustafa ka jo gada ho

Inayat deen par ho istiqamat Meri maqbool Ya Rab yeh dua ho

Khudaya wasita meethe Nabi ka Sharaf Attar ko Hajj ka ata ho