Rukh Din Hai Ya Mehre Sama

Rukh din hai ya mehr-e-samaa yeh bhi nahin woh bhi nahin Shab zulf ya mushk-e khutaa yeh bhi nahin woh bhi nahin

Bulbul ne gul un ko kaha Qumri ne sar-o-janfaza Hairat ne jhunjhala kar kaha yeh bhi nahin woh bhi nahin

Khursheed tha kis zor par kya barh ke chamka tha Qamar Be-purdah jab woh rukh hua yeh bhi nahin woh bhi nahin

No Internet? No Problem! Get the App for Offline Lyrics!

Dar tha ke asiyaan ki saza ab hogi ya Roz-e-Jazaa Di un ki rehmat ne sada yeh bhi nahin woh bhi nahin

Din lahoo mein khona tujhe Shab subah tak sona tujhe Sharm-e Nabi ﷺ khafif-e Khuda yeh bhi nahin woh bhi nahin

Rizq-e Khuda khaya kya farmaan-e Haq tala kya Shukr-e karam tars-e-saza yeh bhi nahin woh bhi nahin

Hai bulbul-e-rangeen Raza ya tooti-naghma-saraa Haq yeh ke Wasif hai tera yeh bhi nahin woh bhi nahin