Rukh Din Hai Ya Mehre Sama

رُخ دن ہے یا مہرِ سما یہ بھی نہیں وہ بھی نہیں شب زُلف یا مُشکِ خُتا یہ بھی نہیں وہ بھی نہیں

Instant Access to Thousands of Lyrics - Tap to Install!

بلبل نے گُل ان کو کہا قُمری نے سَروِ جانفزا حیرت نے جھنجھلا کرکہا یہ بھی نہیں وہ بھی نہیں

خورشید تھا کس زور پر کیا بڑھ کے چمکا تھا قمر بےپردہ جب وہ رخ ہوا یہ بھی نہیں وہ بھی نہیں

ڈر تھا کہ عصیاں کی سزا اب ہوگی یا روزِ جزا دی اُن کی رحمت نے صدا یہ بھی نہیں وہ بھی نہیں

دن لَھوُ میں کھونا تجھے شب صبح تک سونا تجھے شرمِ نبی ﷺ خقفِ خدا یہ بھی نہیں وہ بھی نہیں

رزقِ خدا کھایا کیا فرمانِ ھق ٹالا کیا شکرِ کرم ترسِ سزا یہ بھی نہیں وہ بھی نہیں

ہے بلبلِ رنگیں رضاؔ یا طوطئ نغمہ سرا حق یہ کہ واصف ہے تیرا یہ بھی نہیں وہ بھی نہیں