Naimatain Bant'ta Jis Simt Woh Zeeshan Gaya

نعمتیں بانٹتا جس سمت وہ ذیشان گیا ساتھ ہی منشئ رحمت کا قلمدان گیا

لے خبر جلد کہ غیروں کی طرف دھیان گیا میرے مولا میرے آقا تیرے قربان گیا

آہ وہ آنکھ کہ ناکام تمنا ہی رہی ہاۓوہ دل جو تیرےدرسےپُرارمان گیا

دل ہےوہ دل جو تیری یاد سے معمور رہا سر ہےوہ سرجو تیرےقدموں پہ قربان گیا

Offline Lyrics Anytime, Anywhere - Download the App Today!

انہیں جانا انہیں مانا نہ رکھا غیر سے کام للہ الحمد میں دنیا سے مسلمان گیا

اور تم پر میرے آقا کی عنایت نہ سہی نجدیو کلمہ پڑھانےکا بھی احسان گیا

آج لےاُن کی پناہ آج مدد مانگ اُن سے پھرنہ مانیں گے قیامت میں اگر مان گیا

اُف رے منکریہ بڑھا جوشِ تعصب آخر بھیڑ میں ہاتھ سے کمبخت کےایمان گیا

جان و دل ہوش وخردسب تو مدینے پہنچے تم نہیں چلتے رضاؔ سارا تو سامان گیا