Ru Siyaahon Par Karam

Rusiyaahon par karam ae do jahan ke tajdar Apne gham mein apni ulfat mein rulaao zaar zaar

Husn-e-gulshan mein sarasar hai fareb ae dosto Dekhna hai husn toh dekho Arab ke regzaar

Raah bhoola aah manzil se bhatak kar reh gaya Saath le lo ae Arab ke meherbaan naqa suwar

Hum ghareebon ko Madine mein bula lo ya Nabi Wasta Ahmed Raza ka do jahan ke tajdar

Gar muqaddar mein mere doori likhi hai ya Nabi Kaash! furqat mein teri rota rahoon main zaar zaar

Un ka deewana imama aur zulf o resh mein Waah! dekho toh sahi lagta hai kitna shandaar

Kaash! khidmat sunnaton ki main sada karta rahoon Ahl-e-Sunnat ka sada ban ke rahoon khidmat guzaar

Hain Ali mushkil kusha saya kunaan sar par mere La fata illa Ali la saif illa Dhulfiqar

Ya Shaheed-e-Karbala! ho door har ranj o bala Ab madad ko aao dasht-e-Karbala ke shehsuwar

Al-madad ya Ghaus-e-Azam dast-geer-e-be-kasaan Phans gayi hai naao toofan mein laga dein aap paar

Ya Moin-ud-Din! aao ab madad ke waaste Ho karam badhaal par ae Chishti-on ke tajdar

Get Lyrics On-The-Go! Download Our App Now!

Ya Imam Ahmed Raza! sadqa Zia-ud-Din ka Ho karam ki ik nazar ae Sunni-on ke tajdar

Mustafa wali tere Attar dar kis baat ka Kaar gar hoga na tujh par dushmanon ka koi waar