Ru Siyaahon Par Karam

رُوسیاہوں پر کرم اے دو جہاں کے تاجدار اپنے غم میں اپنی الفت میں رُلاؤ زار زار

حُسنِ گلشن میں سَراسَر ہے فریب اے دوستو دیکھنا ہے حُسن تو دیکھو عرب کے ریگزار

راہ بھولا آہ منزِل سے بھٹک کر رہ گیا ساتھ لے لو اے عرب کے مہرباں ناقہ سُوار

ہم غریبوں کو مدینے میں بلا لو یانبی واسِطہ احمدرضا کا دو جہاں کے تاجدار

Why Screenshot When You Can Download? Get the App for Efficient Storage!

گر مقدَّر میں مرے دُوری لکھی ہے یانبی کا ش! فُرقَت میں تری روتا رہوں میں زار زار

اُن کا دیوانہ عِمامہ اور زُلف و رِیش میں واہ! دیکھو تو سہی لگتا ہے کتنا شاندار

کاش! خدمت سنّتوں کی میں سد ا کرتا ر ہوں اہلِ سنّت کا سدا بن کے رہوں خدمت گزار

ہیں علی مشکل کشا سایہ کناں سر پر مرے لَا فَتٰی اِلَّا عَلِی لَا سَیْفَ اِلَّا ذُوالْفِقَار

یاشہیدِ کربلا! ہو دُور ہر رنج و بلا اب مدد کو آؤ دشتِ کربلا کے شہسوار

المدد یاغوثِ اعظم دَست گِیرِ بے کساں پھنس گئی ہے ناؤ طوفاں میں لگادیں آپ پار

یامُعینَ الدّین! آؤ اب مدد کے واسطے ہو کر م بد حال پر اے چشتیوں کے تاجدار

یاامام احمدرضا! صدقہ ضیاءُالدین کا ہو کرم کی اِک نظر اے سُنّیوں کے تاجدار

مصطَفٰے والی ترے عطّارؔ ڈر کس بات کا کار گر ہوگا نہ تجھ پر دشمنوں کا کوئی وار