Mujhe Dar Pe Bulana

مجھےدرپہ پھر بلانا مدنی مدینےوالے مۓعشق بھی پلانا مدنی مدینے والے

مری آنکھ میں سمانا مدنی مدینے والے بنے دل ترا ٹھکانہ مدنی مدینے والے

جب تیری دید ہوگی تب میری عید ہوگی مرے خواب میں آنا مدنی مدینے والے

مجھےسب ستارہےہیں میرادل دکھارہےہیں تمہی حوصلہ بڑھانا مدنی مدینے والے

مرےسب عزیزچُھوٹےسبھی یاربھی توروٹھے کہیں تم نہ روٹھ جانا مدنی مدینے والے

میں اگرچہ ہوں کمینہ ترا ہوں شہ مدینہ مجھے قدموں میں بٹھانا مدنی مدینے والے

ترا تجھ سے ہوں سوالی شہا پھیرنا نہ خالی مجھےاپنا تم بنانا مدنی مدینے والے

یہ کرم بڑا کرم ہے ترے ہاتھ میں بھرم ہے سرحشر بخشوانا مدنی مدینے والے

تری سادگی پہ لاکھوں تیری عاجزی پہ لاکھوں ہوں سلام عاجزانہ مدنی مدینے والے

ملے نزع میں بھی راحت،رہوں قبرمیں سلامت تو عزاب سے بچانا مدنی مدینے والے

ترے غم میں کاش عطار رہےہرگھڑی گرفتار غمِ مآل سے بچانا مدنی مدینے والے