Ilahi Dikha De Jamal e Madina

اِلٰہی دِکھادے جمالِ مدینہ کرم سے ہو پورا سُوالِ مدینہ

عطا کیجئے حاضری کی سعادت عنایت ہو مجھ کو وصالِ مدینہ

دِکھا دے مجھے سبز گنبد کے جلوے دِکھا مجھ کو دَشت و جِبالِ مدینہ

پَہُنچ کر مدینے میں ہوجائے مولا مِری جاں فِدائے جمالِ مدینہ

Find Your Favorite Lyrics Anytime, Anywhere - Install the App Today!

مجھے ’’چل مدینہ‘‘ کا مُژدہ سنادو کرم یاشہِ خوش خِصالِ مدینہ

ہَوں پیارے نبی! ختْم لمحاتِ فُرقَت مُیَسَّر ہو مجھ کو وِصالِ مدینہ

غمِ عشقِ سَروَر خدایا عطا کر مجھے از طُفیلِ بِلالِ مدینہ

خُدائے محمد ہمارے دلوں سے نہ نکلے کبھی بھی خیالِ مدینہ

سدا رَحمتوں کی برستی جَھڑی ہے مدینے میں یہ ہے کمالِ مدینہ

مُعَطّر مُعَطّر ہے سب سے ُمنوَّر نہیں دو جہاں میں مِثالِ مدینہ

سبھی پارہے ہیں اِسی درسے میں بھی ہوں اُمّیدوارِ نَوالِ مدینہ

قدم چوم کر سر پہ رکھ لینا عطّارؔ نظر آئے گر نَونِہالِ مدینہ