Ilahi Dikha De Jamal e Madina

Ilahi dikha de Jamal-e-Madinah Karam se ho pura sawal-e-Madinah

Ata kijiye haziri ki sa'adat Inayat ho mujh ko wisal-e-Madinah

Dikha de mujhe sabz gumbad ke jalwe Dikha mujh ko dasht-o-jibal-e-Madinah

Pahunch kar Madine mein ho jaaye Maula Meri jaan fida-e-Jamal-e-Madinah

Mujhe "Chal Madinah" ka muzdah suna do Karam ya Shah-e-khush khisal-e-Madinah

Haun pyare Nabi! khatm lamhat-e-furqat Muyassar ho mujh ko wisal-e-Madinah

Gham-e-ishq-e-Sarwar Khudaya ata kar Mujhe az tufail-e-Bilal-e-Madinah

Khudaye Muhammad hamare dilon se Na nikle kabhi bhi khayal-e-Madinah

Get Lyrics On-The-Go! Download Our App Now!

Sada rehmaton ki barasti jhari hai Madine mein yeh hai kamal-e-Madinah

Mu'attar mu'attar hai sab se munawwar Nahin do jahan mein misal-e-Madinah

Sabhi pa rahe hain isi dar se main bhi Hun ummidwar-e-nawal-e-Madinah

Qadam chum kar sar pe rakh lena Attar Nazar aaye gar naunehal-e-Madinah