Roshni Se Hun Alag

Roshni se hoon alag saaye yeh manzoor nahin Zindagi un se bichhad jaaye yeh manzoor nahin

Kaat de sar koi mera, yeh gawara hai mujhe Un ke nakhun pe kharash aaye yeh manzoor nahin

Hum ghareebon ka duroodon pe guzara hai faqat Hum se chhin jaayein yeh sarmaye yeh manzoor nahin

Rehmatein aap ki sairab kiye rakhti hain Koi dariya hamain tarsaye yeh manzoor nahin

Nabz chalti hai to Aaqa ﷺ se ijazat le kar De hamain aur koi raye yeh manzoor nahin

Your Lyrics, Even Offline - Install the App for Free!

Apni saanson se hamain bu-e-Muhammad ﷺ aaye Mukhtalif un se hon pairaye yeh manzoor nahin

Is jahan mein ho Muzaffar ke ho us duniya mein Un ka maddah na kehlaye yeh manzoor nahin