Roshni Se Hun Alag

روشنی سے ہوں الگ سائے یہ منظور نہیں زندگی اُن سے بچھڑ جائے یہ منظور نہیں

کاٹ دے سر کوئی میرا ، یہ گوارا ہے مجھے اُن کے ناخن پہ خراش آئے یہ منظور نہیں

ہم غریبوں کا درودوں پہ گزارا ہے فقط ہم سے چھن جائیں یہ سرمائے یہ منظور نہیں

Your Lyrics, Even Offline - Install the App for Free!

رحمتیں آپ کی سیراب کئے رکھتی ہیں کوئی دریا ہمیں تر سائے یہ منظور نہیں

نبض چلتی ہے تو آقاؐ سے اجازت لے کر د ے ہمیں اور کوئی رائے یہ منظور نہیں

اپنی سانسوں سے ہمیں بوئے محمدؐ آئے مختلف اُن سے ہوں پیرائے یہ منظور نہیں

اِس جہاں میں ہو مظفر کہ ہو اُس دنیا میں اُن کا مدّاح نہ کہلائے یہ منظور نہیں