Ronaq e Bazam e Jahan Hain

Rau-naq-e-bazm-e-jahan hain aashiqan-e-sokhta Keh rahi hai shamma ki goya zaban-e-sokhta

Jis ko qurs-e-mehr samjha hai jahan ai mun'imo! Un ke khwan-e-jood se hai ek naan-e-sokhta

Mah-e-man yeh nayyar-e-mahshar ki garmi tabke Aatish-e-isyan mein khud jalti hai jaan-e-sokhta

Barq-e-angusht-e-Nabi chamki thi us par ek baar Aaj tak hai seena-e-mah mein nishan-e-sokhta

Why Screenshot When You Can Download? Get the App for Efficient Storage!

Mehr-e-aalam taab jhukta hai paye tasleem roz Pesh-e-zarraat-e-mazaar-e-bedilan-e-sokhta

Kocha-e-gesoo-e-jaanan se chale thandi naseem Baal-o-par afshan hon ya Rabb bulbulaan-e-sokhta

Bahr-e-haq ai Bahr-e-Rahmat ek nigah-e-lutf baar Tabke be-aab tadpen mahiyan-e-sokhta

Rookash-e-khursheed-e-mahshar ho tumhare faiz se Ek sharar-e-seena-e-shaidaiyaan-e-sokhta

Aatish-e-tardaamani ne dil kiye kya kya kabab Khizr ki jaan ho jila do mahiyan-e-sokhta

Aatish-e-gulha-e-Tayyaba par jalane ke liye Jaan ke taalib hain pyare bulbulaan-e-sokhta

Lutf-e-barq-e-jalwa-e-Meraj laya wajd mein Shola-e-jawala saanh hai aasman-e-sokhta

Ai Razaؔ mazmoon-e-soz-e-dil ki rif'at ne kiya Is zameen-e-sokhta ko aasman-e-sokhta