Rehmat Zuljalal

Rahmat-e-Zuljalal Qudsiyon ka jamaal

Bekaraan be-misaal M u h a m m a d

Aasmanon sa qad Subah jaisa wajood

Pas bhi pesh aafreen Ghaib-e-asl-e-shuhood

Jis ki chup bhi khateeb Jis ka dukh bhi tabeeb aabru-e-kamaal M u h a m m a d

Jis ke darbar mein Hukm-e-Quran chale

Jis ki raftar mein Nabz-e-dauran chale

Rang paani ko de Zindagani ko de khubsurat maal M u h a m m a d

Dhadkanon mein sunoon Uske qadmon ki chaap

Ek uchat-ti nazar Dhoye umron ke paap

Deed-e-Haq jis ki deed Waqt jis ka mureed jis ka farda bhi haal M u h a m m a d

Sabr us ki asaas Faqr us ka libaas

Haath khaali magar Do jahan uske paas

Us ke faaqe raees Gham-zadon ka anees tuhi-daston ka maal M u h a m m a d

Jhoom uthe arsh bhi Jab tashahhud padhe

Sehan-e-Firdous mein Woh tahajjud padhe

Haq-numa Haq jawaz Ishq jiski namaz husn jis ka khayal M u h a m m a d

Shaakh-e-gul de gaya Taziyanay ke saath

Your Lyrics, Even Offline - Install the App for Free!

Faqr bhi rakh diya Har khazanay ke saath

Jab hon dukh samne Aaye woh thaamne hijr jis ka wisaal M u h a m m a d

Kibriya ka mureed Anbiya ka imam

Us pe lakhon durood Us pe lakhon salam

Us ka waada yaqeen Uski chahat bhi deen sharh-e-deen-e-uski aal M u h a m m a d