Quran Ke Lafz Lafz

Quran ke lafz lafz ki sachchi daleel hain Mere Huzoor mere Khuda ki daleel hain

Paighambaron ki bheed mein tanha dikhai dein Tareekiyon mein shama jalati daleel hain

Saaya bhi pesh kar na sake koi roshni Apne wajood-e-pak pe khud hi daleel hain

More Lyrics, Less Storage - Install the App and Ditch the Screenshots!

Tehzeeb koi kar na sake mustarad jise Insaan ke urooj ki aisi daleel hain

Guzre na kyun unhi ke hawaley se zindagi Woh mustaqil jawaz hain hatmi daleel hain

Awraq-e-kainat pe likkha hai un ka naam Har ik tuloo hoti sahar ki daleel hain

Nabiyon mein un ki zaat Muzaffar hai aakhri Lekin wajood-e-Haq ki woh pehli daleel hain