Ya Rahmatalil Alameen

Ya Rahmatal-lil-'alameen Ilham, jamah hai tera Quran, 'amamah hai tera Minbar tera, 'Arsh-e-bareen Ya Rahmatal-lil-'alameen

Aaeena-e-rehmat badan, saansein, chiragh-e-'ilm-o-fan Qurb-e-Ilahi, tera ghar, Al-faqru fakhri, tera dhan Khushbu teri, joo-e-karam Aankhein teri, bab-e-Haram Noor-e-azal, teri jabeen Ya Rahmatal-lil-'alameen

Teri khamoshi bhi azaan, neendein bhi teri rat-jage Teri hayat-e-pak ka, har lamha paighambar lage Khair-ul-bashar, rutba tera Awaz-e-haq, khutba tera Aafaq, tere saami'een Ya Rahmatal-lil-'alameen

Instant Access to Thousands of Lyrics - Tap to Install!

Qabza teri parchhayi ka, beenai par idraak par Pairon ki junbish khaak par, aur aahtein aflaak par Gard-e-safar, taaron ki zau Markab, Buraq-e-tez-rau Saa'ees, Jibreel-e-Ameen Ya Rahmatal-lil-'alameen

Tu aftab-e-ghar bhi tu, parcham-e-yalghar bhi 'Ajz-o-wafa bhi pyar bhi, sheh-zor bhi salar bhi Teri zirah, fath-o-zafar Sidq-o-safa, teri sipar Tegh-o-tabar, sabr-o-yaqeen Ya Rahmatal-lil-'alameen

Phir gudriyon ko la'l de, jaan pattharon mein daal de Hawi hon mustaqbil pe hum, mazi sa hum ko haal de Da'wa hai teri chaah ka Is ummat-e-gumrah ka Tere siwa koi nahin Ya Rahmatal-lil-'alameen