Quran Ke Lafz Lafz

قرآں کے لفظ لفظ کی سچّی دلیل ہیں میرے حضور میرے خُدا کی دلیل ہیں

پیغمبروں کی بھیڑ میں تنہا دکھائی دیں تاریکیوں میں شمع جلاتی دلیل ہیں

سایہ بھی پیش کر نہ سکے کوئی روشنی اپنے وجودِ پاک پہ خود ہی دلیل ہیں

تہذیب کوئی کر نہ سکے مسترد جِسے انسان کے عروج کی ایسی دلیل ہیں

گُزرے نہ کیوں اُنہی کے حوالے سے زندگی وہ مستقل جواز ہیں حتمی دلیل ہیں

اوراقِ کائنات پہ لِکھّا ہے اُن کا نام ہر اِک طلوع ہوتی سحَر کی دلیل ہیں

Never Be Without Your Favorite Lyrics - Get the App for Offline Access!

نبیوں میں ان کی ذات مظفّؔر ہےآخری لیکن وجودِ حق کی وہ پہلی دلیل ہیں