Qudrat Ne Mere Dil Mein

Qudrat ne mere dil mein bhare Mustafa ﷺ ke rang Behte hain meri aankh se Salli-ala ke rang

Yun aansuon mein khaak-e-qadam hai Rasool ﷺ ki Paani mein jis tarah koi rakh de mila ke rang

Rone se kehkashan si mujh mein bikhar gayin Baarish ke baad dekh raha hoon ghata ke rang

Bakhshe hamein hamare Risalat Ma'ab ﷺ ne Insaaf ke, yaqeen ke, sidq-o-safa ke rang

Instant Access to Thousands of Lyrics - Tap to Install!

Yeh sara mojza hai durood-o-salam ka Dekhi hai main ne lafz ki khushbu sada ke rang

Khulte hain phool ki tarah shaakh-o-shajar baghair Dast-e-dua ki roshniyon mein dua ke rang

Looti hai khoob bandiyon ki bahaar bhi Khushbu chuni rukoo mein, sajde mein ja ke rang

Har chand maut koi musawwir nahi magar Aayegi mere paas woh le kar baqa ke rang

Ehram-e-zard sirf Muzaffar ko chahiye Achhe lagein na saadgiyon ko qaba ke rang