Qudrat Ne Mere Dil Mein

قدرت نے میرے دل میں بھرے مصطفؐےٰ کے رنگ بہتے ہیں میری آنکھ سے صلِّ علیٰ کے رنگ

یوں آنسوؤں میں خاک قدم ہے رسول کی پانی میں جس طرح کوئی رکھ دے ملا کے رنگ

رونے سے کہکشائیں سی مجھ میں بکھر گئیں بارش کے بعد دیکھ رہا ہوں گھٹا کے رنگ

Never Be Without Your Favorite Lyrics - Get the App for Offline Access!

بخشے ہمیں ہمارے رسالت مآب نے انصاف کے یقین کے صدق و صفا کے رنگ

یہ سارا معجزہ ہے درود سلام کا دیکھی ہے میں نے لفظ کی خوشبو صدا کے رنگ

کھلتے ہیں پھول کی طرح شاخ و شجر بغیر دستِ دعا کی روشنیوں میں دعا کے رنگ

لوٹی ہے خوب بندگیوں کی بہار بھی خوشبو چُنی رکوع میں ٗ سجدے میں جا کے رنگ

ہر چند موت کوئی مصّور نہیں مگر آئے گی میرے پاس وہ لے کر بقا کے رنگ

احرام زرد صرف مظفر کو چاہیے اچھے لگیں نہ سادگیوں کو قبا کے رنگ