Qalam Se Loh Se Bhi Qabal

Qalam se lau se bhi qabl, din se raat se pehle Nabi ﷺ ka noor tha majood, majoodaat se pehle

Main apni simt bhi ab us taraf se ho kar aata hoon Muhammad ﷺ ki gali padti hai kuye-zaat se pehle

Khula karti hain maloom se maloom ki raahein Khuda ki nafi karti hai zabaan isbaat se pehle

Find Your Favorite Lyrics Anytime, Anywhere - Install the App Today!

Unhin ka har amal har baat behbood-e-bashar thehri Na tha manshoor aisa khutba-e-Arafat se pehle

Tilaawat deeda-e-Aadam ne ki ism-e-Muhammad ﷺ ki Satoon-e-Arsh par kunda tha at-tahiyyaat se pehle

Wahi thay sirf jo talwar lekar ghaar se nikle Nabi ﷺ koi na saff-aara hua, ghazwaat se pehle

Muzaffar betiyon ko baap zinda gaad dete thay Bahut jaahil thi duniya inki ta'leemaat se pehle