Qadmon Se Phootti Hai Chamak

Qadmon se phoot-ti hai chamak mahtab ki Dehleez par khada hoon Risalat-ma'ab ki

Hai chehra-e-Rasool nigahon ke samne Tafseer parh raha hoon main Umm-ul-Kitab ki

Us Wali-e-Bahar ka daman hai hath mein Mitti hai jis ke samne khushboo gulab ki

Mujh benawa faqeer ki aankhein sawal hain Khairaat mangti hai sam'at jawab ki

Ghar jis ko paniyon pe banane sikhaye the Rulti hai saahilon pe woh ummat Janab ki

Rozay ki jaliyon se jakar dijiye mujhe Zanjeer kaat dijiye mere iztirab ki

Soya hua hoon Aap ke qadmon ki khak par Tabeer bhi ho kaash yahi mere khwab ki

No Internet? No Problem! Get the App for Offline Lyrics!

Jazb-e-jamal ho ke bhi chamki nahi nazar Mujh ko salahiyat ho ata iktisab ki

Sansain hain pul-e-sirat Muzaffar ke waste Duniya bhi ik misal hai roz-e-hisab ki