Qadmon Se Phootti Hai Chamak

قدموں سے پُھوٹتی ہے چمک ماہتاب کی دہلیز پر کھڑا ہُوں رسا لتمآب کی

ہے چہرہ رسُول نگاہوں کے سامنے تفسیر پڑھ رہا ہُوں مَیں اُمّ الکِتاب کی

اُس والی ِ بہار کا دامن ہے ہاتھ میں مٹّی ہے جس کے سامنے خُو شبُو گُلاب کی

مُجھ بے نوا فقیر کی آنکھیں سوال ہیں خیرات مانگتی ہے سماعت جواب کی

گھر جس کو پانیوں پہ بنانے سکھائے تھے رُلتی ہے ساحلوں پہ وُہ اُمّت جناب کی

روضے کی جالیوں سے جکڑ دیجیے مجھے زنجیر کاٹ دیجے مِرے اضطراب کی

No Internet? No Problem! Get the App for Offline Lyrics!

سو یا ہُوا ہوں آپ کے قدموں کی خاک پر تعبیر بھی ہو کاش یہی میرے خواب کی

جذبِ جمال ہو کے بھی چمکی نہیں نظر مُجھ کو صلا حیّت ہو عطا اِکتساب کی

سانّسیں ہیں پُل صراط مظفّرؔ کے واسطے دُنیا بھی اِک مثال ہے روزِ حساب کی