Qadam Qadam Pe Khuda Ki

Qadam qadam pe Khuda ki madad pahunchti hai Durood se mere dil ko rasad pahunchti hai

Yeh aasman bhi wahan tak nahin pahunch sakte Jahan tak aap ke qadmon ki had pahunchti hai

Kare zaban-e-azal jab bhi tazkira un ka Salam parhti hawa-e-abad pahunchti hai

Offline Lyrics Anytime, Anywhere - Download the App Today!

Sar apna paaye Risalat-ma'ab ﷺ par rakh doon Lo aasman pe bulandi-e-qad pahunchti hai

Juloos-e-ishq-e-Nabi ﷺ ka ho jis taraf se guzar Mere junoon ko bhi le kar khirad pahunchti hai

Mere Huzoor ﷺ ki aawaz mujh talak aksar Ba-khubsurti-e-khaal-o-khat pahunchti hai

Kabhi yahan chale aate hain be-safar Aaqa Kabhi wahan meri jaan be-jasad pahunchti hai

Durood ka diya jaata hai jab sawab mujhe Behisht tak meri do gaz lahad pahunchti hai

Salam-o-naat Muzaffar, yahan main parhta hoon Qabooliyat ki Haram se sanad pahunchti hai