Pull Se Utaro Rah Guzar

Pul se utaro rah-guzar ko khabar na ho Jibreel par bichhayen to par ko khabar na ho

Get Lyrics On-The-Go! Download Our App Now!

Kanta mire jigar se gham-e-rozgar ka Yun khench lijiye ke jigar ko khabar na ho

Faryad ummati jo kare haal-e-zaar mein Mumkin nahin ke Khair-e-Bashar ko khabar na ho

Kehti thi yeh Buraq se uski sabak-ravi Yun jaiye ke gard-e-safar ko khabar na ho

Farmate hain yeh dono hain Sardar-e-do-jahan Ae Murtaza! Atiq-o-Umar ko khabar na ho

Aisa guma de unki wila mein Khuda hamen Dhoondha kare par apni khabar ko khabar na ho

Aa dil! Haram ko rokne walon se chup ke aaj Yun uth chalen ke pehlu-o-bar ko khabar na ho

Tair-e-Haram hain yeh kahin rishta bapa na hon Yun dekhiye ke taar-e-nazar ko khabar na ho

Ae khar-e-Taibah! dekh ke daman na bheeg jaye Yun dil mein aa ke deedah-e-tar ko khabar na ho

Ae shauq-e-dil! yeh sajdah gar unko rawa nahin Achha! woh sajdah kijiye ke sar ko khabar na ho

Unke siwa Raza koi hami nahin jahan Guzra kare pisar pe pidar ko khabar na ho