Pukaar Mujhko Na Dunya

Pukaar mujh ko na duniya, chala hoon su-e-Rasool ﷺ Tujhe talash meri, mujh ko justuju-e-Rasool ﷺ

Main kyun nifaaz-e-qayamat ka intezar karun Meri bahisht hai shahr-e-Rasool ﷺ ku-e-Rasool ﷺ

Main jab se Aap ke dar se lipat ke aaya hoon Mere wujood mein rach bas gayi hai bu-e-Rasool ﷺ

Naqoosh-e-pa-e-Muhammad ﷺ, mera qabeela hai Aur us qabeelay ki sardar, aarzu-e-Rasool ﷺ

Tamaam umr ke sajdon ko ghusl karwa dun Jo dast-yaab ho ik qatra-e-wuzu-e-Rasool ﷺ

Sama'aton ki bhi mairaj hoti rehti hai Main sunta rehta hoon Quran se guftagu-e-Rasool ﷺ

Instant Access to Thousands of Lyrics - Tap to Install!

Main kaise un ke khado-khaal bhool sakta hoon Kiya hua hai nigahon ne hifz, ru-e-Rasool ﷺ

Zameer-o-zehan ko sairaab karti rehti hai Mere lahu se guzarti hai aabju-e-Rasool ﷺ

Hatheliyon pe meri mehr-o-maah rakhay hain Khada hua hoon Muzaffar main rubaru-e-Rasool ﷺ