Phir Utha Walwla e Yaad

Phir utha walwala-e-yaad-e-mughilan-e-Arab Phir khincha daaman-e-dil su-e-bayaban-e-Arab

Bagh-e-firdous ko jaate hain hazaran-e-Arab Haaye sahra-e-Arab haaye bayaban-e-Arab

Meethi baatein teri deen-e-Ajam iman-e-Arab Namkeen husn tera jaan-e-Ajam shaan-e-Arab

Stop Wasting Storage - Download Lyrics in Lightweight Text Format!

Ab to hai girya-e-khoon gohar-e-daaman-e-Arab Jis mein do la'al thay Zehra ke woh thi kaan-e-Arab

Dil wahi dil hai jo aankhon se ho hairan-e-Arab Aankhein woh aankhein hain jo dil se hon qurban-e-Arab

Haaye kis waqt lagi phans-e-alam ki dil mein Ke bahut door rahe khaar-e-mughilan-e-Arab

Fasl-e-gul laakh na ho wasl ki rakh aas hazaar Phoolte phalte hain be-fasl gulistan-e-Arab

Sadqe hone ko chale aate hain laakhon gulzar Kuch ajab rang se phoola hai gulistan-e-Arab

Andaleebi pe jhagadte hain kate marte hain Gul-o-bulbul ko ladata hai gulistan-e-Arab

Sadqe rahmat ke kahan phool kahan khaar ka kaam Khud hai daaman-kash-e-bulbul gul-e-khandan-e-Arab

Shaadiya-e-hashr hai sadqe mein chhutenge qaidi Arsh par dhoom se hai da'wat-e-mehman-e-Arab

Charche hote hain ye kumhlaye hue phoolon mein Kyun ye din dekhte paate jo bayaban-e-Arab

Tere be-daam ke bande hain ra'eesan-e-Ajam Tere be-daam ke bandi hain hazaran-e-Arab

Hasht khuld aayen wahan kasb-e-latafat ko Raza Chaar din barse jahan abr-e-baharan-e-Arab