Pesh e Haq Muzdah Shafaat Ka

Pesh-e-haq muzda shafa'at ka sunate jayenge Aap rote jayenge hum ko hanste jayenge

Dil nikal jaane ki raah hai aah kun aankhon se woh Hum se pyason ke liye darya bahate jayenge

Haan chalo hasrat ziyada sunte hain woh din aaj hai Thi khabar jis ki ke woh jalwa dikhate jayenge

Kuch khabar bhi hai faqiro aaj woh din hai ke woh Ne'mat-e-khuld apne sadqe mein lutate jayenge

Download Lyrics & Access Offline - Install Our App Now!

Lo woh aaye muskurate hum aseeron ki taraf Kharman-e-isyaan pe ab bijli girate jayenge

Sukhta jaanon pe woh purjosh rehmat aaye Aab-e-Kausar se lagi dil ko bujhate jayenge

Hashr tak daalenge hum paidaish-e-Moula ki dhoom Misal-e-Faris Najd ke qille girate jayenge

Khak ho jayenge adu jal kar magar hum to Razaؔ Dam mein jab tak dam hai zikr un ka sunate jayenge