Pesh e Haq Muzdah Shafaat Ka

پیشِ حق مژدہ شفاعت کا سناتے جائیں گے آپ روتے جائیں گے ہم کو ہنساتے جائیں گے

دل نکل جانے کی راہ ہے آہ کن آنکھوں سے وہ ہم سے پیاسوں کےلیے دریا بہاتے جائیں گے

ہاں چلو حسرت زیادہ سنتے ہیں وہ دن آج ہے تھی خبر جس کی کہ وہ جلوہ دکھاتے جائیں گے

کچھ خبر بھی ہے فقیرو آج وہ دن ہےکہ وہ نعمتِ خلد اپنے صدقے میں لٹاتے جائیں گے

لو وہ آۓ مسکراتے ہم اسیروں کی طرف خرمنِ عصیاں پہ اب بجلی گراتے جائیں گے

سوختہ جانوں پہ وہ پُرجوش رحمت آۓ آبِ کوثر سےلگی دل کو بجھاتے جائیں گے

حشر تک ڈالیں گے ہم پیدائش مولا کی دھوم مثلِ فارس نجد کے قلعے گراتے جائیں گے

خاک ہو جائیں عدو جل کر مگرہم تو رضاؔ دم میں جب تک دم ہے ذکراُن کا سناتے جائیں گے