Sunte Hain ke Mehshar Mein

سنتے ہیں کہ محشرمیں صرف اُن کی رسائی ہے گر ان کی رسائی ہےلوجب تو بن آئی ہے

مچلا ہے کہ رحمت نے امید بندھائی ہے کیا بات تری مجرم کی بات بنائی ہے

سب نے صفِ محشر میں للکار دیا ہم کو اے بےکسوں کےآقا اب تیری دہائی ہے

یوں تو سب انہیں کاہے پر دل کی اگرپوچھو یہ ٹوٹے ہوۓ دل ہی خاص ان کی کمائی ہے

زائر گۓ بھی کب کے دن ڈھلنےپہ ہے پیارے اٹھ میرے اکیلے چل کیا دیر لگائی ہے

بازارِ عمل میں تو سودا نہ بنا اپنا سرکار کرم تجھ میں عیبی کی سمائی ہے

مجرم کو نہ شرماؤ احباب کفن ڈھک دو منہ دیکھ کے کیا ہوگاپردےمیں بھلائی ہے

اب آپ سنبھالیں توسب کام سنبھل جائیں ہم نےتو کمائی سب کھیلوں میں گنوائی ہے

اے عاشق تیرے صدقے جلنے سے چھٹے سستے جو آگ بجھا دےگی وہ آگ لگائی ہے

اے دل یہ سلگنا کیا جلنا ہے توجل بھی اٹھ دم گھٹنے لگا ظالم کیا دھونی رمائی ہے

مطلع میں یہ شک کیا تھا واللہ رضا اللہ صرف ان کی رسائی ہے صرف ان کی رسائی ہے