Parwardigar e Alam

Parwardigar-e-Alam Hairan hoon nudraton par Teri hi qudraton par Hai inhisar-e-Alam Parwardigar-e-Alam

Yeh bastiyan yeh sehra yeh koh yeh samundar Rangon ka yeh tabassum hariyaliyon ke andar Fitrat ke hain namoone Kya kya banaye toone Naqsh-o-nigar-e-Alam Parwardigar-e-Alam

La taqnatu ka hum ko de kar usool toone Phenke hain jholiyon mein rehmat ke phool toone Cheena hai mushkilon ko Sookhay huay dilon ko Bakhshi bahar-e-Alam Parwardigar-e-Alam

Tujh par bhi hum fida hon tere Nabi ki chahein Quran, hamari manzil sunnat, hamari raahein Imaan de gawahi Hum aakhirat ke rahi Dekhein ghubar-e-Alam Parwardigar-e-Alam

Find Your Favorite Lyrics Anytime, Anywhere - Install the App Today!

Tu khaye jis ki qasmein main bhi usi ke bas mein Jis ke liye tasawwur, tooray safar ki rasmein Maangon jhalak zara si Har saans us ki pyasi Woh jo-e-baar-e-Alam Parwardigar-e-Alam

Jis ki zabaan ke sadqay husn-e-kalam tera Mehboob-e-khas tera mukhtar-e-aam tera Woh hasti-e-qad-awar Jis par kiye nichawar Lail-o-nahar-e-Alam Parwardigar-e-Alam

Jab aankh mein raqam hon jalwon ki surkhiyan si Deewar-e-zindagi mein khul jayen khirkiyan si Suraj sa mujh mein utray Jab koo-e-jaan se guzray Woh shehswar-e-Alam Parwardigar-e-Alam

Mere Rasool ﷺ jaisa tha aur na koi hoga Tere qalam mein ya Rabb woh rang hi na hoga Takhleeq se hai zahir Tu munfarid musawwir Woh shahkar-e-Alam Parwardigar-e-Alam

Seena sulag raha hai aansu chalak rahe hain Woh meri masiyat ko rehmat se dhak rahe hain Qadmon pe gir para hoon Firdous mein khara hoon Main sharmasar-e-Alam Parwardigar-e-Alam