Parhte Hain Kon o Makaan

Parhte hain kaun-o-makaan aap ka kalma tanha Shah-e-Lau-lak ﷺ ka rutba bhi hai kitna tanha

Ek se do hon to tauheed kahan rehti hai Haq ki yaktaai hai Sarkar ﷺ ka hona tanha

Tishna reh jaati hain khud parh ke kitabein jis ko Tum ho qudrat ka mukammal woh sahifa tanha

Kaise kaise nahi duniya mein mamalik lekin Markaz-o-mehwar-e-aalam hai Madinah tanha

Parda Jibraeel ki aankhon se bhi us waqt utha Gaye Sidra se pare jab Shah-e-Isra tanha

Noor-e-Haq ka koi rishta hi nahi saaye se Sirf logon ke dimaghon mein hai saaya tanha

Instant Access to Thousands of Lyrics - Tap to Install!

Shauq jitna Shah-e-Taibah ka khayal aata hai Aap apne se hua jaata hoon utna tanha