Khudae Pak ka Qosain kab Thikana hai

Khuda-e-Pak ka qausain kab thikana hai Faqat maqam-e-Nabi khalq ko dikhana hai

Hira bhi kuntu Nabiyyan ka jalwa khana hai Zuhoor-e-bood mein hai silsila purana hai

Shahood-o-ghaib hain donon tajalliyan un ki Makan mein rehte hue lamakan thikana hai

Khuda ki jalwa-gari ka ajab fasana hai Nabi ko dekh ke imaan Khuda pe lana hai

Kise hai manzil-e-qausain ki khabar ab tak Ke aage Sidra ke "raaz-e-daroon-e-khana" hai

Tumhi ho maqsad-e-takhleeq-e-kainat Aaqa Tumhara noor hi khilqat ka tana bana hai

Rumooz-e-jadda-e-ishq-e-Rasool aise hain Yahan jo ban gaya deewana woh siyana hai

Kari hai dhoop to kya hadisat-e-alam mein Saron pe Gumbad-e-Khizra ka shamiyana hai

Why Screenshot When You Can Download? Get the App for Efficient Storage!

Nabi shanas to hain har zamane mein lekin Yeh dekhna hai unhein kis ne kitna jana hai

Bashar ki fikr-o-nazar shauq kaam kya degi Jamal-e-Haq ba libas-e-Paighambarana hai