Jalwa e Zaat e Qadam

Jalwa-e-zaat-e-qadam hum ko dikhane aaye Aur phir chadar-e-Qul innama taane aaye

Mojza hai mere Sarkar ka ummi hona Aap parhne nahi aaye hain parhane aaye

Ma arafnaka hai irfan-e-Rasool-e-Arabi Thak ke sab reh gaye jitne bhi sayane aaye

Rehne woh saya-e-na'lain saron par Aaqa Aur kya waqt ghulamon pe na jaane aaye

Tum pe marne mein bhi jeene ka maza aata hai Hum toh jeene ko bhi marne ke bahane aaye

Paaye-aqdas se zara mil toh loon aankhein apni Ae ajal theher ja Sarkar sarhane aaye

Noor-e-Lau laka lamma kab se hai maloom nahi Un ke baad aaye jitne bhi zamane aaye

Find Your Favorite Lyrics Anytime, Anywhere - Install the App Today!

Noor-e-Haq shauq nahi lafz-o-bayan ki had mein Aap lafzon mein kahan naat sunane aaye

Khush-naseeb is se bada koi nahi duniya mein Jo dar-e-paak pe aaye toh na jaane aaye