Aankh Bhar Kar Kise Qosain Makeen Dekhte Hain

Aankh bhar kar kise qausain-makeen dekhte hain Aankh rehti hai kahin aur kahin dekhte hain

Seerat-e-pak ka har rukh hai munawwar itna Jagmagaati hui Quran ki jabeen dekhte hain

Daira kitna hai nazron ka Khuda hi jaane Arsh aur farsh ko yaksaan Shah-e-Deen dekhte hain

Un ki azmat ko kahan farsh-nasheen samjhenge Jin ko hairat se sab aflaak-nasheen dekhte hain

Rooh karti hai tawaf-e-dar-e-aqdas jab bhi Hum to sar-ta-ba-qadam khud ko jabeen dekhte hain

Is qadar Gumbad-e-Khizra ki fiza roshan hai Dekhne wale Khuda ko bhi yahin dekhte hain

No More Screenshots! Save Storage with Our Lyrics App!

Shauq mauqoof nahi ishq-e-Nabi qurbat par Door wale bhi unhein dil ke qareen dekhte hain